WENDE NYASAYE 132 - 108

1. Yaye mad abed gi yie chutho, Ma ok dak swekre ngang`, Kata wasigu lworoa, Kat` ayudo chandruok, Kat`  ayudo chandruok. 2. Yie ma ok dak obed gi ng`ur Kata ayud malit; Kata e masira malit Ayiengra kuom Nyasaye, Ayiengra kuom Nyasaye. 3. Yieno mond` oyangre maler Ka yamb temruok kudho; Kata abedo ka marach Kik abedi maluor, Kik abedi maluor. 4. Kata ka jopiny obwona, Kata gichaya ngang`, Weche mag piny kik wuond chunya Mar gola kuomi, Ruoth; Mar gola kuomi Ruoth. 5. Ruoth, miya yie ma kamano, Yie ma ok lokrengang`; Kata piny bet koda marach Agen dak kodi, Ruoth; Agen dak kodi Ruoth. (Amin)

1. Jakristo we nindo, Ruoth emochiko, Kaw tong gi okumba kiting`e e lweti; Mond` irom gi jatem kionge luoro, Chungi ka jachir, King`iyo jasigu.           Bedi jachir, Bedi jachir,           Bedi jachir, King`iyo jasigu. 2. Kata e chandruok, winji wach maber bed motang`, To kik idog chien, kama konyruok onge, Oganda mag mudho, inyalo riembo, Chungi ka jachir, king`iyo jasigu. 3. Rit tich mar Ruodhi, Gi tekoni duto Riti gi kinda, Kedi nyaka giko Kama enotelnie, Dhi ka in jachir, Chungi ka jachir, king`iyo jasigu. (Amin)

1. Be an jarit msalaba, jalup mar Nyarombo? Ok dak aluor wuoth`e tichne kata luongo nyinge?           Wanageng` temruok nyaka wachopi ire           Wanageng` temruok nyaka wanagow loka. 2. Oneg` adhiyo e polo, gi kuwe mogundho chuth, Ka jomamoko to kedo e dier namno mar tho? 3. Aneno wasigu `luora, donge dachop kucha, Pinyni orach onge ng`wono maditera ka Ruoth. 4. Adier naked mond` ayud loch Ruoth named jiwora, Ok anadew chwat kata lit kayiengora kuomi. (Amin)

1. Biuru, jo Nyasaye, Mohero En adier; Weruruwa gi chuny achiel, Weruruwa gi chuny achiel, Kwachokre nyim Nyasaye, Kwachokre nyim Nyasaye.           Wadhiyo (e) piny Ruodhwa,           Dala maber mar Nyasachwa;           Wachiko wang`wa ni Zayun (maler)           En dala maber mar Nyasaye. 2. Jopiny mokia Nyasaye, Biuru wadende, To wan nyithinde wanawer, To wan nyithinde wanawer, Kwapako Ruodh polo, Kwapako Ruodh polo. 3. Nyithindo mag Nyasaye, Gimor ma nyaka chieng`; Ka pok gitundo par Nyasaye, Ka pok gitundo par Nyasaye, Ka pod giwuotho ka Ka pod giwuotho ka. 4. Kata wayud chandruok E piny ma mwalo ni, Watego wang`wa kuomi, Ruoth, Watego wang`wa kuomi, Ruoth, Kwachiko dalani Kwachiko dalani. (Amin)

1. Nitie lweny mager ahinya, kind adiera gi mudho, Ka lweny obedo malich ngang`, kwakedo gi jasigu, Ruoth dwaro joma jochir, Donge doyiengre kuomi.           Donge doyiengre kuomi?           Onego imiye duong`           Wach gi chir, Muya maler           Mondo oyiengre kuomi. 2. Ni gibiro gi mirima, ka gin gi teko Satan. Giyudo teko mar jachien, Moa negi e mudho, Ruoth dwaro joma jochir, Donge doyiengre kuomi? 3. Nyasaye wuonwa to nenowa, Malaika konyowa, Kendo jatendwa en Yesu, ok nwarem, kata podho, Ruoth dwaro joma jochir, Donge doyiengre kuomi. (Amin)

1. Ndalo auchiel oserumo, Sabato ochopo kendo; Chunya, bedi mamor chutho, Mondo irite kod ng`wono. 2. Wapak Ruodhwa mochiwonwa Ndalo maber mar yueyoni; En e momiyo chunywa kuwe Moloyo ndalo duto te. 3. Chunywa mondo obed mamor Kwagoyo erokamano; Morno mondo opong` chunywa, Mosiko ma onge giko. 4. Kuwe mar polo ma ni e chuny, En singruok madier mar yueyo Moseketi e polo ku, Kar giko mar chandruok duto. (Amin)

1. Sabato mari, Ruoth, Jogi ruako gi mor; Kwarito winjo wach mari Chunywa mondo paki. 2. Wamor kuom ndaloni Ma isewalo, Ruoth; Wanaheri, Wanadendi, In Ruodh polo malo. 3. Jogi maler, gwedhgi! Bed kodwa kwalemo; Ruoth, miwa mor kuom yueyoni, Kwarito chieng` maler. 4. Kidich piny korumo, Kwadar a thurwa ka; Miwa dir kodi nyaka chieng` E dalani maler. (Amin)

1. Ruoth, wabiro iri e Skundwa mar Sabato; Wadwaro mond` igwedhwa Kwapuonjore Wachni In mond` ibed Japuonjwa, Iyawnwa parowa, Ni mondo ler mar polo Omeny chunywa adier.           Wan wamor kwachokore nyimi E skul mar Sabato;           Wan wageno yudo gwethni E Skundwa koro. 2. Jo madongo biro Kachiel gi jo matindo, Ni mondo wawinj weche Mag Yesu Japuonjwa; Wan to waonge rieko, Enopuonjwa duto; Wachikne itwa koro, Wach moro kik lalnwa. 3. Pinyni rach moloyo, Temruok nitie mang`eny ngang`; To wanalo kuom Wachni Kwapidhogo e chuny Miwa teg wang`wa kuomi, In ma Jares chunywa; Wabed jogi madieri Nyaka ndalo giko. 4. Ruoth, kiwi` e piny ka Mar omo jo mariti, Wan bende mond` iyudwa Kwakiyo bironi Eka e pinyruodh polo E Sabato pile, To wanachokre nyimi Ni mond` imed puonjwa. (Amin)

1. Mokwongo Ruodhwa Yesu, noketonwa Sabato; Kendo eka nowale, mogwedhogo ni dhano.           Wanamor ngang`, wanamor ngang`;           Wamor nikech ndalono, en Sabato mar Ruodhwa. 2. Tich mar ndalowa rumo, Tinde chieng` maler mar Ruoth; Ka wadiro kuom chikne, Osingonwa gweth mare. 3. Polo gi piny, nokadhi, To Sabato ok norum; Wanadir e piny manyien, Nyaka chieng` ma nyaka chieng`. (Amin)

1. Kidira chieng` mar yueyo, En chieng` maler mar mor; Morunwa chieng` malong`o, Moloyo duto te; To ji ma nyaka nene, Gipako ka giwer, Maler, Maler, Maler, To Nyasaye achiel mang`won. 2. En chieng` maduogo chunywa, Mariembo wach malit; En puoth Nyasaye malong`o Motimo pi mokuwe; En soko mak oduono, Mochwernwa pi mang`ich; En chieng` momiwa neno Piny ma nomiwa ku. 3. To tinde wach malerno Okonyo jo mojony; Nyasaye oluongo joge, Gichokore kaachiel; Giwinjo wach me polo, Ogolo richogi;  Oyueyo chunygi bende, Chieng`no gimor adier. (Amin)

1. In skul marwa mar Sabato In ka maler chutho; Chunya koro gombo ywaya Mondo abi iri.           Ka maler (maler), Ka maber (maber),           Ka maler (maler), Ka maler (maler)           Chunya koro gombo ywaya Mondo abi iri. 2 Chunya oyudo mor chutho E skul mar Sabato  Kasomo wach mar Ruoth Yesu Kaka nosethona. 3. Yesu Ruodha man gi hera, Oluongoa mondo  Adhi e skul mar Sabato Mond` achiwne chunya. (Amin)

1. Walamo Nyasaye tinde, Ka wabiro nyime ka; Tinende waweyo tich, Ni mondo Nyasaye gwedhwa; Ka wapako nyinge ka, Nobedi mana kodwa; Ka wapako nyinge ka, Nobedi mana kodwa. 2. Kaka Ruodhwa yandi chon, ka nosetieko tichne, Nobiro e Sabato, Wabiro bende koro; Wan waparo ng`wonone, kak` omiyowa ngima; Wan waparo ng`wonone, kak` omiyowa ngima. 3. Kata koro wadiro, Kaka En nochikowa, Chieng`no wanadir kuno, Kama wanane Ruodhwa; Eka wanabed gi kuwe, Bende kethruok wanawe; Eka wanabed gi kuwe, Bende kethruok wanawe. 4. Injili mari mondo Omak chuny jo maricho; Omed teko ni jonyawo, Okony jo machandore; Kamano wanayud gwethni Ndalo duto nyak` ibi; Kamano wanayud gwethni Ndalo duto nyak` ibi. (Amin)

1. . E ndaloni maler mar Ruoth Chunywa oyudo mor, Kwaweyo paro gik mag piny,Kwaparo wach Nyasaye. 2. En kinde maber mar lemo, Owenwa richowa; Wating`o dwondwa kwawacho, "Wuonwa manie polo." 3. Wamor kwawinjo weche kuwe moanwa ka Nyasaye, Wamedo padore kuome, Kwachiko yor polo. 4. Ka golo richo e chunywa, Otamowa nyalo, Nyasaye ong`eyo dwarowa, En to okonyowa. (Amin)

1. Kidich Nyasaye, ndalo mamor, Meduru paro Jakonywa; To tinende waweyo tich Kaka Nyasaye nowachonwa. Paruru, kawuono, Kaka Nyasaye nochweyo piny; Ka nochweyo polo gi piny, Koro eka nodiro En; Wan bende tinende, wachokre diro gi Nyasaye. 2. Nyasaye nowachonwa niya; Atieko gwedho Sabato; To wadwaro mondo Nyasaye Omednwa gweth mare tinde. 3. Keturu chunyu kuom Yesu, To en nomiu kuwe mare; Nitie wang`yo moro bende, To en modwaro witowa. (Amin)

1. Nyasaye, gwedh Skundwa mar Sabato, Bedi Jatendwa, kwachokore; Tawa gi rieko gi herani, Kwaluwo yori.           Skund Sabato konyowa; Skund Sabato konyowa;           Mondo wasom Wach Nyasaye pile,           Ndalo duto te. 2. Chwo, to gi mon, gi nyithindo be; Chokore mond` giwinj Wachni; Muchi Maler obed Japuonjwa Kwasomo Wachni. 3. Weche mwawinjo e Skundwa ka; Mi mondo gimoki e chunywa; Mondo wawuoth kuomgi e nyim ji; Kwaluwo ndachi. (Amin)

1. Ndalo mamor, ma Nyasachwa Nomiyowa e Eden chon; Gik moko duto ma nie piny Jachwech nomiyogi yueyo. 2. Koro wadiro ndaloni Monyisowa tich mar Nyasaye Kwapake ka, kendo kwawer, Chunywa opako tekone. 3. Pakuru Yesu ma notho, Kogolo Kethruok mag jopiny Pakuru Wuod  Nyasaye mang`won, Rembe  Nochwer ni kethruokwa. 4. To pok kethruok ni tho adier; Thono Jawar noloyo, Mondo  wawuoth e yor Nyasaye, Mak waketho chikne maber. 5. Wadwaro chikne e chunywa ka, Wadiro tinendeni; Kendo kochweyo Piny manyien Wanadir Sabato pile. (Amin)

1. In odira mar Nyasaye, In e ndalowa mar mor; Chunye duto mor kodi, Kaka mor gi ler mar chieng`. 2. Mor mokuwe momiyowa ohoyo chunywa adier; Okuweyo chuny e chandruok, Nyaka wanatiek wuodhwa. 3. En e ndalowa maler, mwawinje Wach Nyasachwa, Kwapake kendo lame, mwayude ng`wono mare. (Amin)

1. Wachokore gi mor tinde, kidira mar Nyasaye; Gi mor bende wawer nyimi kwapako nyingi ka. 2. Ot kama jogi lamoi Onego bed maler Chuny ji mosayi odi ni Ilosogi maber. 3. Muya Maler, Jakony mang`won, Dak ie kanisa ni; Teche liel saa duto Te Komenyo e piny. 4. Nyasaye man malo, miwa mor Nyaka chunywa oyieng`, A waneni Wang` gi wang`, Kwamor ma nyaka chieng`. (Amin)

1. Nyasaye, gokiny mond` iwinja Ka dwonda pakoi; In e malamoi koro Kating`oni wang`a. 2. Ageno Kristo ma Jawar, Masayo ni joge; Onyiso Wuoro e polo, Yuakwa gi wendewa. 3. Muche mondo taya pile E yorene maler; Onyisa tich moneg` atim, Atim gi chuny maler. 4. Jo moheri kendo luori, Nichopi dwarogi; Nyasaye maduong` oritogi, Gineno ng`wonone. (Amin)

1. Wago ni Ruoth Nyasachwa erokamano ngang`; To oseritowa ma nyaka nend` okinyi. Yesu ritwa gotienoni, kaka iseritowa chon. 2. To tichwa mar tinende koro oserumo; Kendo waduogo paki, kendo wakwayoi, Iritwa duto ka mang`won ka wanindo gotienoni. 3. Nyasaye, bedi Jakwadhwa, kaka nisingo chon Nikech nitie e piny ka gik moko maricho Yaye! Yesu, winjwa koro: warwa e gik maricho gi. (Amin)

1. Bedi koda, piny koro yusona; Polo to chido, Yesu bed koda; Ka onge moro madhi konyoa, Jakony jochan Iwuon, bedi koda. 2. Chieng` ndalona to koro rumona; Gik managombo tinde kadhona; Duto maneno lokore to tho, In mak ilokori, bedi koda. 3. Pile achando, to adwaroi, In kendi inyalo teko mar Jachien; In kendi itera, In midemboa, E mudho be e chieng`, bedi koda. 4. Onge maluoro, In kibed koda, Eka masira dak oloya ngang`; Tho to ok rach; to liel onyal ang`o? An bend` aloyogi, ka In koda. 5. Chieng` tho inyisa kaka In nitho; Ka piny ochido polo ek` orieny; Chieng` cha noru, to mudho duto orum, Kangima, kat` atho, bedi koda. (Amin)

1. Wang` chieng` koro podhonwa, mudho biro imo piny; Sulwe to gi dwe koro Gotieno gidendo Ruoth.           En ma Jachwech! Nyasachwa maler ngang`,           Nyasaye Maduong`; Malaika me polo,           To gi dhano man e piny, Wapakoi. 2. In mimiyowa ngima In midak e polo ku, Lerni mond` omeny chunywa, Ni mondo wang`e adier Ka In kodwa. 3. Herani obed kodwa E mudho mar otieno; Ka nindo oterowa, Jopolo mondo ritwa Nyaka ru piny. 4. Kendo chieng` kiduogo, Ruoth, Gi teko mar kawo pinyruoth, Nyasacha asayoi, Ruaka kanyo ma Intie, Polo malo. (Amin)

1. Yesu, In ma Jahoch mar chuny, Rita gotieno kanindo; Bedi koda gotienoni, Nyaka piny chak oyawrena. 2. Ka pok anindo apari Kaka ihera pile ka; Tich Satani aseyo chuth, In Nyasaye kende madalami. 3. Rita gotieno, godiechieng`, Ok dabed mangima mak In; Bedi koda ka piny olil, To daluor tho da onge In. 4. Kaa e nindo, Igwedha; Dhi koda ka ma adhiye; Pile kamano nyak` ibi Omo jogi moseyiei. (Amin)

1. Puothe chiek e pinje duto, Nitie cham mathoth maber; E pewe gi holni duto Cham orito jokeyo.             Ruodhwa, wan wayuakni koro, Ni mond` ior jokeyo;           Ni mondo gichok cham duto, Nyaka keyo rum chutho. 2. Orgi ka chieng` wuok gokinyi, Orgi kata godiechieng`, Kata saa ma wang` chieng` podho, pod onego gitim tich. 3. Un jokeyo ma Ruoth oro, Chokuru cham mosechiek; To ka tich me piny ka rumo Unubed gi mor maduong`. (Amin)

1. Winji weche ma nondiki mag Nyasaye, "Keluru taith duto e od keno", Waleuru chutho ni Ruodhwa maler, Osesingo Enogwedhu.           "Keluru taith duto e od keno,           Temauru e wach nogoni;           To an anaolnu gweth maduong` ng`ang`,           Ma onge thuolo munyalo yie go." 2. Udwaro ng`eyo teko Muya Maler? "Keluru taith duto e od keno"; Kuwe nobed e chunyu chutho saa gi saa, Ka uyudo gweth mowacho. 3. Gimoro ogeng` koso gweth mar Ruoth, Keluru taith duto e od keno; Ji mamako wach mar Yesu Kristo Ruoth, Yudo hawi pile Kuome. 4. Ting`uru chunyu koro, dende ka Ruoth, Kukelo taith duto e od keno; Chunywa mor moloyo, wanawer wende; Waseyudo gweth mowacho. (Amin)