Posts

113. YAYE MAD ABED GI YIE CHUTHO

1. Yaye mad abed gi yie chutho, Ma ok dak swekre ngang`, Kata wasigu lworoa, Kat` ayudo chandruok, Kat`  ayudo chandruok. 2. Yie ma ok dak obed gi ng`ur Kata ayud malit; Kata e masira malit Ayiengra kuom Nyasaye, Ayiengra kuom Nyasaye. 3. Yieno mond` oyangre maler Ka yamb temruok kudho; Kata abedo ka marach Kik abedi maluor, Kik abedi maluor. 4. Kata ka jopiny obwona, Kata gichaya ngang`, Weche mag piny kik wuond chunya Mar gola kuomi, Ruoth; Mar gola kuomi Ruoth. 5. Ruoth, miya yie ma kamano, Yie ma ok lokrengang`; Kata piny bet koda marach Agen dak kodi, Ruoth; Agen dak kodi Ruoth. (Amin)
Post a Comment
Read more

114. JAKRISTO WE NINDO

1. Jakristo we nindo, Ruoth emochiko, Kaw tong gi okumba kiting`e e lweti; Mond` irom gi jatem kionge luoro, Chungi ka jachir, King`iyo jasigu.           Bedi jachir, Bedi jachir,           Bedi jachir, King`iyo jasigu. 2. Kata e chandruok, winji wach maber bed motang`, To kik idog chien, kama konyruok onge, Oganda mag mudho, inyalo riembo, Chungi ka jachir, king`iyo jasigu. 3. Rit tich mar Ruodhi, Gi tekoni duto Riti gi kinda, Kedi nyaka giko Kama enotelnie, Dhi ka in jachir, Chungi ka jachir, king`iyo jasigu. (Amin)
Post a Comment
Read more

115. BE AN JERIT MSALABA

1. Be an jarit msalaba, jalup mar Nyarombo? Ok dak aluor wuoth`e tichne kata luongo nyinge?           Wanageng` temruok nyaka wachopi ire           Wanageng` temruok nyaka wanagow loka. 2. Oneg` adhiyo e polo, gi kuwe mogundho chuth, Ka jomamoko to kedo e dier namno mar tho? 3. Aneno wasigu `luora, donge dachop kucha, Pinyni orach onge ng`wono maditera ka Ruoth. 4. Adier naked mond` ayud loch Ruoth named jiwora, Ok anadew chwat kata lit kayiengora kuomi. (Amin)
Post a Comment
Read more

116. BIURU, JO NYASAYE

1. Biuru, jo Nyasaye, Mohero En adier; Weruruwa gi chuny achiel, Weruruwa gi chuny achiel, Kwachokre nyim Nyasaye, Kwachokre nyim Nyasaye.           Wadhiyo (e) piny Ruodhwa,           Dala maber mar Nyasachwa;           Wachiko wang`wa ni Zayun (maler)           En dala maber mar Nyasaye. 2. Jopiny mokia Nyasaye, Biuru wadende, To wan nyithinde wanawer, To wan nyithinde wanawer, Kwapako Ruodh polo, Kwapako Ruodh polo. 3. Nyithindo mag Nyasaye, Gimor ma nyaka chieng`; Ka pok gitundo par Nyasaye, Ka pok gitundo par Nyasaye, Ka pod giwuotho ka Ka pod giwuotho ka. 4. Kata wayud chandruok E piny ma mwalo ni, Watego wang`wa kuomi, Ruoth, Watego wang`wa kuomi, Ruoth, Kwachiko dalani Kwachiko dalani. (Amin)
Post a Comment
Read more

117. NITIE LWENY MAGER AHINYA

1. Nitie lweny mager ahinya, kind adiera gi mudho, Ka lweny obedo malich ngang`, kwakedo gi jasigu, Ruoth dwaro joma jochir, Donge doyiengre kuomi.           Donge doyiengre kuomi?           Onego imiye duong`           Wach gi chir, Muya maler           Mondo oyiengre kuomi. 2. Ni gibiro gi mirima, ka gin gi teko Satan. Giyudo teko mar jachien, Moa negi e mudho, Ruoth dwaro joma jochir, Donge doyiengre kuomi? 3. Nyasaye wuonwa to nenowa, Malaika konyowa, Kendo jatendwa en Yesu, ok nwarem, kata podho, Ruoth dwaro joma jochir, Donge doyiengre kuomi. (Amin)
Post a Comment
Read more

118. NDALO AUCHIEL OSERUMO

1. Ndalo auchiel oserumo, Sabato ochopo kendo; Chunya, bedi mamor chutho, Mondo irite kod ng`wono. 2. Wapak Ruodhwa mochiwonwa Ndalo maber mar yueyoni; En e momiyo chunywa kuwe Moloyo ndalo duto te. 3. Chunywa mondo obed mamor Kwagoyo erokamano; Morno mondo opong` chunywa, Mosiko ma onge giko. 4. Kuwe mar polo ma ni e chuny, En singruok madier mar yueyo Moseketi e polo ku, Kar giko mar chandruok duto. (Amin)
Post a Comment
Read more

119. SABATO MARI, RUOTH

1. Sabato mari, Ruoth, Jogi ruako gi mor; Kwarito winjo wach mari Chunywa mondo paki. 2. Wamor kuom ndaloni Ma isewalo, Ruoth; Wanaheri, Wanadendi, In Ruodh polo malo. 3. Jogi maler, gwedhgi! Bed kodwa kwalemo; Ruoth, miwa mor kuom yueyoni, Kwarito chieng` maler. 4. Kidich piny korumo, Kwadar a thurwa ka; Miwa dir kodi nyaka chieng` E dalani maler. (Amin)
Post a Comment
Read more